Ein av dei store utfartsdagane er onsdag.
– Folk har for mykje pengar. Dei 4000, 5000 eller 6000 kronene det kostar å køyre litt for fort, betyr visst ingenting. Kanskje vi bør auke bøtenivået endå meir, seier UP-sjef Øystein Krogstad til NRK.
Krogstad avslører at UP vil vere langs riksveg 9, E39, E18, fylkesveg 42 og fylkesveg 43 gjennom påska. Det vil vere betydeleg med politifolk på vegane.
– Vi legg eit trykk i påska og brukar mellom 200 000 og 300 000 kroner. Så det er mange bilar og hovud som skal ut, seier han.
– Vi vil helst sleppe bøter og førarkortbeslag, men det er det som må til, seier Krogstad.
I påska i fjor var det ingen alvorlege ulykker på Sørlandet. Det håpar han vi unngår også i år.
– Det er det som er målet. Så skriv vi ut fleire hundre forenkla førelegg og beslaglegg 10–20 førarkort. Det likar eg ikkje, men det ser ut til at det er medisinen for at folk skal køyre sånn tåleleg greitt, seier han.
