Like før halv to slo to ranarar til ved 7 Eleven i Brennåsen i Songdalen. Ranarane truga til seg eit ukjent pengebeløp med kniv og pistol.
Dei to ranarane var mørkt kledde og hadde ansiktet tildekka.
Andre ranet på kort tid
Dei to kom seg unna, men politiet har gjort beslag av fleire gjenstandar som truleg stammar frå ranarane.
– Krimteknikarar vil undersøkje staden. Så langt har vi ikkje pågripe nokon etter ranet, opplyser operasjonsleiaren ved Agder politidistrikt til NRK.no.
Dette er det andre ranet på kort tid ved denne butikken. 4. juni slo ein ranar til. Ingen er så langt pågripne.
LES OGSÅ: Ranarar slo til ved 7 Eleven
4-5 truga bussjåfør
Like før halv tolv vart ein buss rana på Hånes i Kristiansand. 4-5 personar truga sjåføren med eit slagredskap og ein pistolliknande gjenstand.
– Heller ikkje her har vi opplysningar om ranarane. Dei kom seg unna. Sjåføren vert sjølvsagt teke hand om, seier operasjonsleiaren.
– Begge sakene vil sjølvsagt bli etterforska i dag, legg han til.