– Blir dommen rettskraftig kan ikkje Skare halde fram som prest. Då vil vi invitere han til ei samtale for å drøfte situasjonen, seier biskop i Agder og Telemark, Olav Skjevesland til Fædrelandsvennen.
LES OGSÅ: Valle-prest dømd til fengsel
LES OGSÅ: Nekta straffeskuld
Skare vart i går dømd til 30 dagars ubetinga fengsel i lagmannsretten. Den tidlegare sognepresten i Valle vart dømd for to falske anmeldelsar.
– Enkelttilfelle
– Det vil vere eit behov for å reparere dei skadene denne saka har ført til, som eg meiner er eit enkeltståande tilfelle i kyrkjeleg samanheng, seier Skjevesland.
SJÅ: Alt om saka
Ifølgje avisa tok retten opp spørsmålet om Skare sin psykiske tilstand, fordi han leverte falske anmeldelsar mot seg sjølv ved å kutte bremseslangane på sin eigen bil.
Retten meiner han køyrde kontrollert ut av vegen. Skare hevdar han kom ut for ei ulykke.
– Handlemåten kan gi grunn til å anta at sikta har personlege eller psykiske problem somm ikkje er nærare undersøkt. Sjølv har han benekta å ha føreteke handlingane, og har elles stått fram som adekvat utan teikn på realitetsbrist, skriv lagmannsretten.
Skuffa Skare
– Det har difor ikkje vore noko grunnlag for å føreta ein predudisiell observasjon, noko sikta truleg ville oppfatta som krenkande, skriv dei vidare.
Skare sin forsvarar, Sveinung Søndervik Johnsen, seier klienten hans er skuffa etter å ha blitt dømd igjen.
LES OGSÅ: – Har vore ei tøff tid
LES OGSÅ: – Angrar på at eg var så eplekjekk
– Han er frykteleg skuffa, og treng nokre dagar på å fordøye avgjerdsla, før vi drøftrar ei eventuell anke, seier han til avisa.