– Det vert skapt eit ufullstendig bilete av ansvarsforholda. Slik det er beskrive gir det sjølvsagt grunnlag for frykt, seier forsvarsminister Grete Faremo.
Det var på eit møte om den militære beredskapen på Sørlandet i Arendal i går kveld at Faremo kom med kraftsalva.
– Bekyrmringsfullt
– Det vert ekstra bekyrmingsfullt når det er beredskapssjefen sjølv som ikkje riktig gjer greie for ansvarsforholda, Faremo.
– Eg må berre seie at som fungerande justisminister, reagerte eg så sterkt på det at eg straks tok kontakt med fylkesmannen, seier ho.
Beredskapssjefen i Aust-Agder, Dag Auby Hagen, var ikkje tilstades på møtet tysdag kveld. Men han står fast på at nedbyggjinga av forsvaret i landsdelen fører til svekka beredskap.
Trur ikkje han skapar frykt
– Eg trur ikkje det skapar frykt, seier Hagen til NRK.no.
– Eg tykkjer det er veldig viktig å vere tilstades, spesielt i forhold til dei scenaria som har vore omtala i avisene i det siste, seier han.
– Til dømes ekstremvêrscenariet, der det er veldig viktig at ein er på staden og kanskje set inn ressursane samla relativt raskt, legg han til.
