Oslo-klubben leia 12-11 til pause. I andre omgang drog Bækkelaget/NIF ifrå og leia på det meste 20-16. Men ØIF Arendal tok seg saman og snudde kampen det siste kvarteret. Laget vann til slutt 32-29.
Reiste seg
André Jørgensen Hofstøl vart toppscorar med åtte mål. Laget reiste seg dermed etter helgas 19-målstap borte mot Fyllingen.
ØIF Arendal festar med det grepet om 4. plassen i eliteserien. Laget ligg fire poeng føre Fyllingen, som har ein kamp mindre spelt. Drammen, som ligg på tredjeplass, ligg tre poeng føre ØIF, med ein kamp mindre spelt.
Europacup
ØIF Arendal møter serieleiar Haslum i neste serierunde, før dei avsluttar heime mot Runar.
Til helga spelar arendalittane kvartfinale i europacupen borte mot rumenske Stiinta Bacau.