– Det er veldig kjekt å sjå at vi får litt respons på det vi har gjort, seier organist Mathias Johansson til NRK.no.
- LES OGSÅ: Til topps i Urørtfinalen
VG er ei av avisene som gir Honningbarna god kritikk. «Pønk som det aldri er gjort i Norge før» er dommen frå avisa som gir terningkast fem. Bandmedlemmene går framleis på vidaregåande skule. I fjor kom dei som ein storm på norske festivalscenar. I helga spelte dei på John Dee i Oslo.
«Klikka» på konsert
– Vi var oppe i 5-tida. Vi skulle forsåvidt opp for å ta toget, men vi var oppe fem for å lese aviser. Alle sat som galningar på mobilen og fann fram i aviser. Vi var veldig spente, seier organisten.
Tidlegare i år gjekk bandet til topps i Urørtfinalen. Forrige helg spelte kristiansandarane på Kick i heimbyen, for å markere sitt plateslepp.
– Det er noko anna enn det vanlege kristiansandspublikummet, som gjerne er litt beskjedent og sjenert. Det var noko anna vi var vitne til i helga, seier dei etter suksessen i Kristiansand.
- LES OGSÅ: Honninbarna blir fritt vilt
– Kristiansandspublikummet er ikkje akkurat kjende for å «klikke» på konsertar, seier bassist Lars Emmelthun.
Startar turné
Dei to konsertane siste veka er berre starten på ein spennande vår for dei unge musikarane. I tillegg til å gjere ferdig vidaregåande skal dei spele mange festivalar og konsertar i inn- og utland.
- LES OGSÅ: Honningbarna vant kjempestipend
– Vi skal til Island, Danmark, Tyskland, Norge.... og Lyngdal, ler dei.
I Lyngdal startar bandet ein to-vekers lang turné i Sør- og Midt-Norge nord til Trondheim. Ifølgje Adresseavisen sin anmeldar «varer kanskje ikkje bandet evig, men i år eig Honningbarna verda».
Anmeldar i NRK P2, Svein Terje Torvik, meiner Honningbarna sitt debutalbum er ein kommande norsk punkrock-klassiker, og at dei har eit scenetekke som gjer at dei blir eit sikkert kort som publikumsmagnet i årane som kjem.