– Først og fremst står Elverum distansen heilt ut. Dei har ein breiare tropp. Når dei har friske spelarar å setje inn har ikkje vi det per dags dato, seier ØIF-trenar Leif Gautestad til NRK.no.
- LES OGSÅ: – Vi går for gull!
Skadeplaga
Før kampen var det klart at Knut Martin Johnsen ikkje kunne spele på grunn av skade. Strekspelar Håvard Augensen var tvilsam på grunn av ein ryggskade. I tillegg pådrog Terje Østerhus seg ein skulderskade på oppvarminga, som gjorde at han ikkje kunne spele angrep.
– Det vert stor veksel på André Jørgensen Hofstøl og Eirik Heia Pedersen. Dei vert slitne. Når dei vert det får vi ikkje den utteljinga vi ynskjer offensivt, og Elverum får kontre. Då vert det vanskeleg å stå imot, seier trenaren.
TØFT: Andrè Jørgensen Hofstøl var ein av fleire ØIF-spelarar som gjekk tom for krefter mot slutten av kampen.
Foto: Sander Heggheim/NRK– Bittert
Også i fjor vart det tap i semifinalen for ØIF Arendal under sluttspelet i Drammenshallen.
– Det er klart det er veldig bittert å ryke ut, men slik er det. I dag var vi ikkje gode nok i andre omgang, seier kantspelaren David Rui, som fekk gjennombrotet sitt for ØIF i Drammenshallen i fjor.
– Men vi skal vere nøgde. Vi har hatt ein god sesong både i serien og i europacupen, seier Rui og får støtte av sjefen.
– Vi nådde målsettjinga om å komme til sluttspelet. Likevel er det sjølvsagt bittert å ikkje komme til finale når vi var så nær. Men alt i alt har vi hatt ein god sesong, seier Gautestad.
I finalen i sluttspelet møter Elverum anten Drammen eller seriemeister Haslum.
