– Eg var på jobb for å teste noko utstyr. Så såg vi at det byrja å hoppe litt i vasskorpa. Vi gjekk ned for å sjå, og det tok jo berre heilt av etterkvart, seier Rolf Larsen til NRK.no.
- LES OGSÅ: En sjelden naturopplevelse
– Først var det makrell som kom inn, så kom det store sei som byrja å hoppe, legg han til.
– Kunne øse opp med spade
Det var for rundt ein månad sidan Larsen var vitne til fiskehoppinga. Etterkvart kom det ivrige fiskarar til.
– Det var ein der som skulle fiske sjøaure. Han vart overvelda då han såg dette. Etterkvart kom fleire for å fiske. Dei fiska sei med fluge. Du kunne jo ha på kva som helst, du fekk fisk uansett. Du kunne øse fisken opp med spade, fortel han.
- SJÅ: NRK Natur
– Nokre av dei hoppa på land. Det heile pågjekk i 3-4 timar, seier han.
– Har du opplevd liknande tidlegare?
– Dette må vere noko av det tøffaste eg har sett. Viss du skal fiske må dette vere måten å gjere det på, seier han.
– Ikkje uvanleg
Larsen anslår at dei fleste fiskane var på mellom 1 kg og 1,5 kg.
– Viss eg ikkje hadde vore på jobb hadde eg teke med meg heim, seier han.
Espen Johnsen ved Havforskningsinstituttet fortel at seien truleg er på jakt.
– Dette viser truleg ein seistim som angrip småfisk langs land. Det er litt vanskeleg å sjå kva fisk dette er, men basert på rapportar frå sørlandskysten har ein sett mykje småtobis i vassmassanei og når ein ser at makrellterna heng over vassflata og går i stup, seier han.
– Kor vanleg er det å sjå slikt?
– Det er ikkje uvanleg at ein ser sei angripe på den måten, seier han.
