NRK.no har fått fleire tips om at Mjelde har skrive under med sørlandsklubben.
I tillegg har nokon skrive på Wikipedia har Mjelde blir Start-trenar frå 2. august, og at han har skrive under ei 2,5 års kontrakt, noko ein kanskje bør ta med «ei klype salt». Hovstad skal også ha vore i Bergen - truleg for å møte Mjelde.
– Niks
– Eg kan ikkje seien noko om dette. Eg kommenterer aldri spelarar eller trenarar som er på veg inn eller ut, seier Hovstad til NRK.no.
– Har Mjelde skrive under for Start?
– Niks, svarar Hovstad.
– Er Mjelde ein aktuell trenarkandidat for Start?
– Vi jobbar med fleire namn, og kjem ikkje til å seie noko før noko er klart, seier han.
Før haustsesongen
Hovstad avviser også at Start har skrive kontrakt med nokon på noverande tidspunkt.
– Nei, vi jobbar framleis med det, seier Hovstad.
Tidlegare har Hovstad sagt at klubben vil ha ein ny trenar på plass før haustsesongen tek til 17. juli.
Inntil vidare er det Frode Fredriksen som leiar laget saman med Erik Ruthford Pedersen.
NRK.no har prøvd å få kontakt med Mjelde utan å lukkast. Mjelde er no trenar i 3. divisjonsklubben Valestrand Hjellvik.