Har framleis ikkje fått ny celle

– Vi har vore opptekne av å følgje opp dette spørsmålet om å få overført dei to til ei eiga celle, seier pressevakt i UD, Kjetil Elsebutangen til NRK.no.

• LES: Blir banka opp i cella

– Vi har teke opp dette i vår kontakt med kongolesiske styresmakter. Det er klart at det vil vere eit naturleg samtaletema i vår kontakt med dei to nordmennene, seier han.

Mishandla og banka

I førre veke sa advokaten til dei to nordmennene, Morten Furuholmen, at Moland og French blir mishandla og banka opp av både medfangar og vakter. Samstundes kravde han statsminister Jens Stoltenberg må gripe inn i saka.

– Situasjonen har blitt alarmerande verre etter at dei vart overflytta til Kinshasa. Eg hadde håpa på ei snarleg avklaring etter flyttinga, men no fryktar eg at saka kan hamne i ei dødssone, sa Furuholmen.

• LES: – Flytta på grunn av fluktplanar
• LES: Her skal Moland og French sone

Han viste blant anna til eit brev der Moland og French skriv at dei blir banka, håna og trakassert av medfangar. Dei skriv at dei blir utsett for rasisme og at ein av dei vart biten i fingeren heilt inn til beinet.

– Dette er alvor

– Når Joshua skriv hjelp fleire gonger i brevet, så er dette alvorleg. Desse gutane toler mykje, men dette er alvor, sa mor til Joshua French, Kari Hilde French på pressekonferansen i førre veke.

På nytt påpeikar UD at saka er høgt prioritert. Dei to dødsdømde nordmennene har site fengsla i Kongo i snart tre år.

• SJÅ: Meir om Kongo-saka

– Denne saka har vore høgt prioritert frå den norske utanrikstenesta heilt sidan den starta, seier Elsebutangen til NRK.no.