Ifølgje fvn.no skal mannen ha ligge på isen ved sidan av bilen i rundt to timar før han fekk hjelp.
Politiet veit førebels ikkje årsaka til ulykka.
Vil avhøyre sjåføren
– Vi manglar detaljkunnskapar. Dei får vi eventuelt når vi kan avhøyre sjåføren, seier operasjonsleiar Jon Kvitne avisa.
Mannen vart henta med luftambulanse og frakta til sjukehuset i Arendal der han no ligg til observasjon. Sjukehuset stadfestar overfor NRK.no at mannen ikkje er livstrugane skada.
– Han har ikkje pådrege seg alvorlege skader og heller ingen store skader. Men vi observerer han, får NRK.no opplyst frå sjukehuset laurdag kveld.
Ulykka skjedde på riksveg 41 laurdag ettermiddag.
Kasta over autovernet
Bilen skal ha blitt kasta over autovernet og landa på taket. Mannen var bevisst då politiet kom fram til staden.
Vegbana var tørr då ulykka skjedde. Det skal heller ikkje ha vore glatt. Redningsbil jobba laurdag kveld med å få bilen opp frå elva.
ULYKKE: Bilen fekk ein skikkeleg trøkk i ulykka.
Foto: Line Oftedal Pedersen/NRK
SMELL: Bilen trefte autovernet før den til slutt enda i elvekanten.
Foto: Line Oftedal Pedersen/NRK
