No vil sisteskansen gå i forhandlingar med ØIF Arendal om ny kontrakt.
– Det var ei veldig god nyheit. Det var herleg å få det stadfesta at han er vidare med ny hall og på den vidare satsinga vår, seier sportsleg leiar i ØIF Arendal, Kjetil Øygarden, til Agderposten.
Tilbod frå utlandet
Ifølgje avisa hadde keeperen tilbod frå fleire utanlandske klubbar. Landslagskeeperen er ein av dei best betalte spelarane i den norske eliteserien. No håpar klubben at dei kan møte dei økonomiske krava til Medhus.
– Leiinga i klubben har gjort ein kanonjobb med økonomien og det ser veldig mykje lysare ut på den fronten no, seier Øygarden.
Årets keeper
Svenn Erik Medhus kom ifrå tyske TSV GWD Minden for to sesongar sidan. Etter overgangen til ØIF Arendal har han spelt seg inn igjen på det norske landslaget.
Medhus har dei to siste sesongane blitt kåra til årets keeper i eliteserien.
Verken Agderposten eller NRK.no har lukkast med å komme i kontakt med Svenn Erik Medhus