Det var Gunn Hoftuft, Eirik Unneland og Johan Homme som representerte skulen frå Aust-Agder.
- LES: Alt om Klassequizen
Kontroll på matte
I den første kategorien trekte laget kategorien «Bil». Her måtte elevane mellom anna bruke mattekunnskapane sine. Laget vart spurt om følgjande: ein bil køyrer 350 kilometer med ein snittfart på 70 km/t, kor lang tid tek turen?
10.-klassingane frå Valle svarte fem timar, som er riktig. Til saman vart det 2 av 4 poeng i den første kategorien.
I kategori nummer to dukka «Sur» opp på lappen som vart trekt. Eit av spørsmåla var kva to frukter som gir smak til brusa Sprite. Trioen svara lime og sitron, som sjølvsagt er heilt riktig. I den andre kategorien fekk laget med seg full pott, nemleg 4 av 4 moglege poeng.
I den tredje og siste kategorien var tema «Stein». Blant spørsmåla var kva heiter den norske alpinisten som tok OL-gull i alpint i Oslo i 1952. Valle-elevane svara Stein Eriksen, som også er riktig. Til saman 3 av 4 poeng i den siste kategorien.
9 av 12 poeng
Samla fekk Valle skule med seg 9 av 12 poeng i den innleiande runden i Klassequizen.
Klassequizen er ein landsomfattande konkurranse der kvart fylke har sine innleiande rundar. Dei beste laga frå dei innleiande rundane går vidare til lokale finalar.
Til slutt møtest dei lokale vinnarane i nasjonal finale på TV i mai 2013.