- Ikkje overraskande

Oslo Spektrum var saman med Fornebu Arena dei einaste aktuelle kandidatane til å få arrangere Melodi Grand Prix 29. mai neste år.

I dag vart det avgjort at Fornebu Arena stakk av med sigeren.

- Det er heilt greitt at Fornebu Arena fekk arrangementet. Vi gratulerer dei med det, seier Wiggo Schie, dagleg leiar i Oslo Spektrum.

LES ÒG: MGP-finalen til Fornebu

ALT OM: Melodi Grand Prix

For liten kapasitet

Hjå Oslo Spektrum er dei på ingen måte overraska over valet av Fornebu Arena.

- Vi trudde i utgangspunktet av vi hadde for liten kapasitet, og vi var eigentleg litt overraska over å verte spurde, seier Schie.

Wiggo Schie meiner at NRK har gjort ein skikkeleg jobb med dette, og at dei har teke ei gjennomtenkt avgjerd.

- Ein får noko og ein mistar noko. Eg trur dei kjem til å få til eit fantastisk arrangement, seier Schie.