Ifølgje Wall Street Journal vil leiarane for verdas rikaste land i dag annonsere at G20 kjem til å verte eit permanent organ og kjem til å erstatte G8 som verdas økonomiske forum.
Meldinga er stadfesta av administrasjonen til Barack Obama.
Leiarane for verdas rikaste land er no samla i den amerikanske industribyen Pittsburgh.
Omorganiseringa av G20 er eit av tiltaka for å gjenopprette den globale økonomien etter finanskrisa.
Vedtaket inneber eit skifte vekk frå at dei rikaste landa i G8 åleine skal bestemme over den økonomiske utviklinga i verda, og er eit resultat av eit langvarig press frå land med framveksande økonomiar, som Kina, India og Brasil.
G20 er sett saman av dei same landa som er medlem i G8, i tillegg til EU og elleve land med framveksande økonomiar.
Ifølgje Wall Street Journal skal G8-landa framleis til å møtast innimellom for å diskutere ikkje-økonomiske saker, men dette vert berre på ad hoc-basis.
Vil gje utviklingslanda meir makt
Det har vore demonstrasjonar i samband med G20-møtet i Pittsburgh, og politiet tok i går kveld i bruk gummikuler mot ei mindre gruppe demonstrantar som kasta stein mot politiet.
Les også:
Før G20 toppmøtet opna i går vart det også meldt at leiarane allereie var samde om det viktigaste temaet det hadde vore tautrekking om på førehand. Ifølgje USAs sentralbanksjef Timothy Teithner var G20-landa førebudde på å innføre svært detaljerte avgrensingar for utbetalingar av bonusar i banksektoren.
Landa var også samde om å reformere Det internasjonale pengefondet IMF slik at utviklingslanda får meir å seie.
