Dei fleste av dei 600 innbyggjarane i landsbyen har i dag fylgt fjernsynssendingane sidan Shalit vart sett fri via store skjermar i sentrum av den vesle landsbyen, ikkje langt frå grensa til Libanon. Israelsk fjernsyn har sendt direkte frå fangeutvekslinga i heile i dag.
Det var ei sterk oppleving or dei frammøtte då Gilad Shalit i føremiddag
.Roser i gatene
Like før klokka 17 landa militærhelikopteret med Gilad Shalit om bord like utanfor Mitzpe Hila, og det var første gong på over fem år han kunne setje foten sin på heimleg jord.
Til heimkomsten hadde innbyggjarane strødd gatene med roser og sett opp store banner som helsa den unge soldaten velkomen heim. Då han kom køyrande inn i byen i ein militærkortesje vifta folk med israelske flagg og plakatar som ynskte han velkomen tilbake.
Det var til dels ekstatiske gledesscener blant dei frammøtte.
Gilad Shalit sat i 1941 døgn som fange hos Hamas på ukjend stad på Gazastripa, før han vart sett fri i dag i byte med rundt 1000 palestinske fangar i Israel. Det var kjenslemessig tøft for han då han for første gong
tidlegare i dag.Mangel på frisk luft
Legar som undersøkte den unge soldaten då han kom til Israel i føremiddag, seier at han er ved bra helse, men at han heilt tydeleg hadde fått for lite frisk luft under det ufrivillige opphaldet på Gazastripa.
Han vart teken til fange då ei væpna gruppe frå Hamas gjekk til angrep på ein israelsk militærpost i juni 2006.
Faren Noam Shalit seier i kveld at GIlad kjenner seg bra, men at han har problem med ein del sårskadar som ikkje vart godt nok behandla i palestinsk fangenskap. Han seier også at sonen truleg vil trenge profesjonell hjelp før han kan starte eit normalt liv i Israel.
Noam Shalit sa også at Gilad levde under svært vanskelege forhold dei første åra i fengsel, men at det har blitt betre dei siste par åra.
– Vi opplevde sonen vår si atterføding i dag, sa han på ein improvisert pressekonferanse i Mitzpeh Hila.
LES OGSÅ:
LES OGSÅ:
LES OGSÅ:
LES OGSÅ: