Hus knuste til pinneved av tornado

Minst tre menneske har mista livet i Jefferson County, da tornadoar trefte den sørlege delen av staten, opplyser myndigheitene i Indiana.

Det er gjort omfattande skade på bygningar, vegar og annan infrastruktur i fleire delstatar, og det er venta at uveret vil halde fram utover dagen og kvelden lokal tid.

Seint fredag kveld norsk tid melder nyheitsbyrået Ap at heile byen Marysville i det sørlege Indiana er fullstendig rasert.

LES OGSÅ: Enorm regning etter katastrofeår

65 tornadoar denne veka

Store område i det sørlege Ohio, Illinois, det sørlege Indiana, det meste av Kentucky, den sentrale delen av Tennessee, det nordaustlege Mississippi, Missouri og det nordvestlege Alabama er hardt ramma.

Det er rapportert om minst 17 tornadoar hittil i dag, og dermed er talet kome opp i 65 i løpet av denne veka. Minst 12 menneske har mist livet i uveret hittil.

Madison County i Alabama er verst ramma i dag. Mange hus er fullstendig øydelagde, kraftmaster og leidningar ligg på bakken og bilar ligg strøydde

omkring, blir det rapportert. Svært mange er utan straum, i byen Huntsville i Alabama åleine er minst 17.000 straumlause.

Ein by borte

Fleire tornadoar har etterlet «ekstreme skader» i Henryville-område, ifølgje National Weather Service koordinator, Bill Whitlock.

Ifølgje Clark County Sheriff, Chuck Adams, er den nærliggende byen Marysville, med 1900 innbyggjarar «heilt borte».

Tidlegare enn normalt

Tornadosesongen i går har kome tidlegare enn normalt, truleg på grunn av ein heller mild vinter i dette området. Tornadoane oppstår når kaldfrontar møter varmare luft. Verste tida er normalt frå mars til mai i sørstatane, og lenger nord frå tidleg våren til tidleg sommar

I fjor miste 545 menneske livet i tornadoar i USA, det meste på eitt år sidan rekordåret 1936, og det tredje verste året nokon gong.

Kart