Sendte torpedo på feil mann

Mora på 55 år og dottera på 28 år ville hemne seg på eit mord. Men leigemordaren tok feil, og drap den uskuldige tobarnsfaren Charles Limerius i staden for.

3. januar blei 48 år gamle Limerius skoten rett utanfor heimen sin i Malmö i Sverige. Drapet var det femte i byen på ein og ein halv månad.

Gjennombrot i etterforskinga

Politiet fann ingen tydelege motiv for at nokon ville drepe den høgt utdanna og respekterte tobarnsfaren.

• LES: Pågrepet for drap i Malmö

Ut i etterforskinga byrja politiet å mistenke at mordaren hadde forveksla Limenius med ein annan, og at feil person var blitt drepen.

Tre kvinner er arresterte

For to dagar sidan fekk politiet eit gjennombrot i etterforskinga. Tre kvinner blei arresterte, mistenkte for å ha planlagt eit mord, og for å halde tilbake informasjon om drapet.

To av kvinnene er ei mor og ei dotter. For 20 år sidan blei ektemannen og faren deira drepen i eit skotdrama. Ein 54 år gamal mann blei dømt for drapet.

Den tredje kvinna på 50 år som også sit i varetekt, blei utsett for grove overgrep og valdtekt for tre år sidan av same mannen.

Teorien til politiet er at dei tre er komne i kontakt med kvarandre då dei alle er offer for handlingane til den same 54-åringen.

Peter Mangs var også ute etter han

54-åringen er tidlegare dømt for fleire lovbrot, og er blant dei som den drapssikta «Malmö-skyttaren» Peter Mangs skal ha spionert på og planlagt å drepe.

LES: Mangs forklarte seg i retten

LES: Mangs nekter for drapene

Mangs har innrømt at han ved fleire tilfelle har stått væpna utanfor leilegheita til den 54-årige mannen og venta på han, men at han aldri dukka opp.

Årsaka til at Mangs var ute etter han, skal vere at 54-åringen utsette barnet til ein av Mangs sine vener for overgrep, noko han også er dømt for.

– Dei er påfallande like

Politiet trur at leigemordaren som kvinnene betalte for å drepe 54-åringen, skaut feil mann. I staden blei tobarnsfaren Charles, som bur i nærleiken, eit uskuldig offer.

– Mannen som blei drepen, og 54-åringen som truleg var målet, er påfallande like i utsjånaden, seier operasjonsleiar Monica Olhed.

Den 54-årige mannen sit for augneblinken i varetekt for eit anna lovbrot.

Alle nektar

I dag forklarar den drapsmistenkte 28-åringen seg i Malmö tingrett. Han nektar for å ha utført drapet.

Den 28 år gamle kvinna avviser også påstandane om at ho står bak planlegginga av drapet, ifølgje advokaten hennar. Mora gir ingen kommentar.