- Ein god del søkjer nok i nettordboka for å finne ut korleis dei stavar ord, seier Tor Erik Jenstad, ein av redaktørane for Norsk Ordbok.

HMM...: Var det desverre eller dessverre?

Foto: Colourbox

Problem med å vere

Dessverre, interessant og vere - desse er blant orda vi søkjer mest på i Norsk Ordbok på nett.

Les: Sjå liste over dei 300 mest søkte orda her.

- Ord som interessant og dessverre er søkt på med ein eller to s-ar og r-ar.

- Kan ein konkludere med at dobbel konsonant er noko mange har problem med?

- Ja, det er heilt klart eit problem for mange.

Stoler på stavekontrollen

Jenstad trur at undervisninga i skulen må ta noko av skulda for at vi er så dårlege til å skrive.

Les også: Dette irriterer oss på nett

- Men folk stoler nok generelt for mykje på stavekontrollen på pc-en og reknar med at den vil ordne opp i alle problem. Det gjer den jo ikkje.

Han trur likevel ikkje at autofullføring og retteprogram på pc og mobil er ein trussel mot rettskrivinga.

- Nei, det er nok å ta for hardt i. Men det kan vere med på å svekke den.

Får ei sterkare sak med korrekt språk

Høyr saken: Status rettskriving

Jenstad meiner likevel at det er viktig å kunne stave korrekt.

- Det gir eit betre inntrykk, og du får automatisk ei sterkare sak om det er noko du vil ha gjennom, trur han.

- Men privat – så lenge ein blir forstått, så er det uinteressant om ein stavar interessant med ein eller to s-ar. Bodskapen går gjennom likevel.

Les også: Norsk Språkråd sine skrivereglar