I dag, 3. april er det "National Cleavage Day" - kløftas dag. Det har behå-produsenten Wonderbra i Sør-Afrika bestemt.

I følgje heimesida til kampanjen, støttar du kampen mot brystkreft ved å laste opp eit bilete av kløfta di, og syne den fram i eit biletgalleri saman med kløfter frå heile verda.

Korleis dette støttar brystkreftsaka, seier dog nettsida fint lite om.

Fleire gode saker

Den litt spesielle markeringa starta i følgje Wikipedia i april i 2002, som eit samarbeid mellom behå-produsenten Wonderbra, kvinnemagasinet Cosmopolitan og radiostasjonen 5fm i Johannesburg.

Målet var å gje kvinnene ein dag der dei kunne frigjere seg frå livets strabaser, og nyte den positive merksemda frå sine mannlege medborgarar.

I tillegg donerte Wonderbra etter eige utsagn delar av omsetjinga den månaden til forsking på blodkreft og andre alvorlege sjukdomar.

Grunn til å feire

I dag blir altså den årlege kløftas dag etter sigende markert på arbeidsplassar over heile Sør-Afrika.

Det er nok eit stykkje att før denne "kroppsdelen" får sin eigen flaggdag i Norge, men etter det NRK erfarer må alle slike markeringar starte i det små.

Så om du ønskjer å støtte ei god sak, eller berre feire dine eigne gode saker: fram med kløfta i dag!

• Sjå vårt biletgalleri med berømte kløfter!