- 13.00 HRS går ut med bilete av liknande båt
- 10.30 opplyste politiet at søket var i gang for fullt igjen, og at det var utvida til også å gjelda strandsøk
Det var like før klokka 18 fredag kveld Hovudredningssentralen Sør-Norge (HRS) sette i gang søk etter ein 51 år gamal yrkesfiskar og den 26 fot lange båten hans utanfor Hellvik i Eigersund.
- Les òg:
Fiskaren hadde gått ut for å trekka hummarteiner klokka 10 fredag føremiddag, men då han ikkje kom tilbake før mørket, melde familien han sakna.
Pause i helikoptersøket
Eit redningshelikopter og fleire båtar måtte i natt konstatera at søket var resultatlaust før dei tok seg ein pause.
– Me kalla inn ein del fartøy på grunn av at mannskapet måtte kvila seg, men så snart det blir lyst blir desse sett tilbake i søket, sa Jan Lillebø, som er vakthavande redningsleiar i HRS til NRK klokka sju laurdag morgon.
Han slår likevel fast at det også har blitt søkt etter fiskaren i natt.
– Me har søkt i heile natt. Søksområdet strekk seg nå frå Egersund i sør til Vigdelstranda i nord, åtte nautiske mil frå strandsona og vestover. Me har søkt med Kystvaktfartøyet Ålesund, som koordinerer båtane, losfartøy og brannbåt.
Leitar frå land
I tillegg til dette blir alle nyttefartøy som går inn og ut av området bedne om å vera på utkikk etter den 26 fot store båten. Samla sett er det snakk om over 20 fartøy som har vore involvert i leitearbeidet.
Klokka 10.30 opplyste politiet at søket var i gang for fullt igjen, og at det var utvida til også å gjelda strandsøk. Om lag 10 frivillige leiter etter fiskaren i strandsona ved Moivika ved Hellvik.
Nå ønsker også Hovuredningssentralen kontakt med folk som kan ha observert båten.