PÅ NORSK:
(Muitaleaddji: Per Holm Varsi)
Mu namma lea Per Holm Varsi. Mun ásan Sirpmás. Mis lea okta johkaroggi, sullii miilla Sirpmás meahci bealde. Ja dan rokki gohčodit dál maid olbmot Bahtareatkinjohkan.
Šattai nu ártegis namma dat. Go álgá jurddašit manne son dat lei nu. Ja dađi mielde go mun gullen dalle nuorran, mot lei dilálašvuohta dalle: Badjeolbmot johte oktan bearrašiiguin, bidje lávuid, ja doppe ásse. Ledje várra doppe Bahtareatkin... lea hirbmat suojis vuopmejohkaroggi, doppe lei várra buorre ássat, ja čáhci maid lahka.
Ja de, de muhtumin nuorat gávnnadit ain, bártnit ja nieiddat, dat ledje oainnat fárus heila (olles) bearaš. Ja go de fuomášedje ahte dain lea oktavuohta, ja mas dan diehtá maid dat leat hommán, de rissejedje daid nieiddaid, ja dat reatkkáiguin rissejedje! Muhtumat gal lohket ledje buolli reatkkát, muhto buolli dat eai gal lean, muhto dábálaš reatkkáiguin dat rissejedje daid nieiddaid dalle heitet dien vieru.
Das ii muital dat máinnas ii maidege movt lea, muhto leat goit mánát šaddan dan rájes maid, ja muhtumat luovosmánát maid: Ammahal de eai leat fuomášan buot áiggiid risset dal rievttes áigái?