| | |
| Fakta om Aurland | |
|---|---|
| Areal: 1489 km². | |
| Folketal: 1714 (1.1. 2013). | |
| Høgste fjell: Blåskavlen 1809 m.o.h. | |
| Ordførar: Noralv Distad, Høgre. | |
| Tettstader: Aurlandsvangen (Vangen), Flåm. | |
Med Flåmsbana og den ville Nærøyfjorden er Aurlandsnaturen den sterkaste turistmagneten i Sogn. Flåm er blitt ei stor turisthamn med anløp av mange cruiseskip, og Flåmsbana fraktar ein halv million passasjerar kvar sommar. Nærøyfjorden er på verdsarvlista til UNESCO. I Undredal finn du Nordens minste stavkyrkje. På Aurlandsvangen tronar Sogns største middelalderkyrkje.
I Aurland finn du den einaste økologiske landbruksskulen i landet, Sogn jord- og hagebruksskule. På Aurlandsvangen har Aurlandsskoen vorte produsert sidan rundt 1880. Her kan du og lese om den bitre striden om kraftutbygging i Aurlandsdalen. Diktaren Per Sivle vart fødd i Flåm.
Flåm har mange cruiseskipsanløp, her er to skip på besøk. Foto: Merete Husmo Høidal, NRK.
Finn fram i Aurland
