| | |
| Fakta om Bremanger | |
|---|---|
| Areal: 831 km². | |
| Folketal: 3945 (1.1.2013) | |
| Høgste fjell: Gjegnen (Blånibba) 1 670 m.o.h., med loddrett stup på vestsida på 1075 meter. | |
| Kjende fjell/seglmerke: Hornelen 860 m.o.h., Steinfjellet med TV-sendar 638 m.o.h. Kjeipen, Noregs vestlegaste isbre 1362 m.o.h. | |
| Ordførar: Karl Vidar Førde, Senterpartiet. | |
| Tettstader: Tettstader: Svelgen (kommunesenter), Kalvåg, Igland, Davik. | |
Bremanger er kanskje den mest kontrastrike kommunen i Sogn og Fjordane. Kommunen har stridd med fråflytting, men håpar at det nye tunnelsambandet til fastlandet skal skape ny aktivitet på øyane. I Kalvåg satsar dyktige forretningsfolk på å byggje ut det gamle fiskeværet som turistmål. Der driv også Domstein-konsernet eitt av dei største fiskemottaka sine.
I kommunesenteret Svelgen har Bremanger Smelteverk sidan 1928 vore den største og viktigaste arbeidsplassen i kommunen.
I Vingen finn du 4000 år gamle helleristingsfelt, og på andre sida av Frøysjøen stig ”heksefjellet” Hornelen 860 meter rett opp av havet.
I Bremanger har det og vore eit par store økonomiske skandalar, kraftutbygginga i Ålfoten tidleg på 1900-talet, og vel hundre år seinare tapte kommunen over 200 millionar kroner på risikable investeringar gjennom Terra Investments.
Hornelen stig 860 meter rett opp av havet. Foto: Rolf M. Sørensen.
