| | |
| Fakta om Gloppen | |
|---|---|
| Areal: 1022 km² | |
| Folketal: 5676 (1.1. 2013) | |
| Høgste fjell: Snønipa 1827 m.o.h. | |
| Ordførar: Anders Ryssdal, Senterpartiet | |
| Tettstader: Sandane, kommunesenter, 2080 innb., Re, Byrkjelo, Straume i Hyen | |
Gloppen er den største jordbrukskommunen i Sogn og Fjordane og står for over 10 prosent av mjølkeproduksjonen i fylket. På Breim ligg det store sentralmeieriet, og mykje av industrien i kommunen har vorte skapt på grunnlag av lokale jordbruksprodukt. Kommunen er senter for pelsdyrproduksjonen i landsdelen.
I Hyen har brørne Bertel og Olav Aa skapt eit båtbyggeri som har utvikla avanserte luftputebåtar og katamaranar, og Arne Henden på Sandane bygde frå 1960-talet opp eitt av Vestlandets største småflyselskap.
Sandane har sidan tidleg på 1920-talet då Firda Gymnas vart skipa vore eit viktig skulesenter, og både på friidrettsbana og i skiløypene har ungdom frå Gloppen markert seg på høgt internasjonalt nivå, ikkje minst Odd-Bjørn Hjelmeset, som har teke VM-gull på 50 km langrenn.
Utsyn frå Vereide over Gloppefjorden mot Sørstranda. Foto: Ottar Starheim, NRK.
