Jan Otto Hoddevik fødd 1949 i Måløy, busett i Ålesund. Industrieigar og fiskeeksportør.
Saman med broren Geir Robin Hoddevik bygde han frå slutten av 1980-talet opp Global Fish til eit av dei største fiskeriselskapa i Noreg, med anlegg frå Egersund til Trøndelag. Selskapet flytta etter ei tid administrasjonen frå Måløy til Ålesund. I 2000 gjekk Global-gruppa inn i Pan Fish. Jan Otto Hoddevik dreiv marknadsavdelinga i Global vidare som eige selskap.
I 2007 gjekk Global Fish inn i Norway Pelagic (sjå Domstein-konsernet), og Hoddevik hadde ei leiarstilling der før han slutta i konsernet i 2012.
Son til Otto Hoddevik.
