Kunstnaren Knud Andreasson Baade hadde delar av oppveksten sin i Solvorn, og naturen i Luster har påverka kunsten hans. Dette er Dramatisk landskap med fugl frå 1837. © Blomqvist Kunsthandel.
Omtalane er ordna etter fødselsår:
Jan Henrik Nitter Hansen
(1801-1879) frå Døsen i Luster. Busett på Lærdalsøyri. Handelsmann og politikar.
Thomas Fearnley
(1802-1842) - norsk biletkunstnar. Sjå: Kunstnarane i Kroken.
Peder Balke
(1804-1887) - norsk biletkunstnar. Sjå: Kunstnarane i Kroken.
Christian Morgenstern
(1805-1867), tysk biletkunstnar. Sjå: Kunstnarane i Kroken.
Knud Baade
(1808-1879) fødd i Skjold ved Stavanger, busett i Tyskland. Kunstmålar.
Hans Hansson Urdahl.
Hans Hansson Urdahl
(1809-1873) frå garden Saude i Luster. Bonde, lensmann og politikar. Bonde på Saude 1829-1867. Han var kst. lensmann ein periode. Var også ordførar i Luster og heradskasserar. Vararepresentant til Stortinget 1842. Son til Hans Arneson Urdahl og far til Sølfest Urdahl.
Joachim Frich
(1810-1858) - norsk biletkunstnar. Sjå: Kunstnarane i Kroken. Nils Christian Irgens (1811 - 1878) fødd i Sogndal, voks opp i Solvorn. Offiser og politikar. - sjå Sogndal kommune.
Adolph Tidemand
(1814-1876), norsk biletkunstnar. Sjå og Kunstnarane i Kroken.
Andreas Achenbach
(1815-1910), tysk biletkunstnar. Sjå: Kunstnarane i Kroken.
Ola Torsteinsson Sætre
(1815-1864) frå Hafslo, busett i Amerika. Bonde og soldat. Eigde gard på Hafslo, men let ektemaken sitje att med garden då han sjølv utvandra til Amerika kring 1850. Der fall han i den amerikanske borgarkrigen.
Thomas Henrik Hammer
(1815-1900) frå Rogneby på Toten, busett i Solvorn. Sorenskrivar og politikar.
Erik Venjum
(1817-1887) frå Hafslo. Bonde og haugianarleiar.
Peder Steen
(1818-1894) frå Kristiansund, busett i Hafslo. Bonde og lekpredikant.
Sølfest Urdahl
(1819-1878) frå Luster. Bonde på garden Saude, handelsmann og politikar.
Samuel Mandrup Hansson Bugge.
Samuel Mandrup Hansson Bugge
(1824-1907) frå Urnes. Bonde og politikar. Utdanna underoffiser. Vart bonde på Urnes og ordførar i Hafslo kommune i 20 år, forlikskommisær i 50 år og i fylkesskulestyret i seks år. Vararepresentant til Stortinget 1868-1869 og 1880-1882, og fast representant 1871-1873, 1874-1876 og 1877-1879.
Hans Fredrik Gude
(1825-1903), norsk biletkunstnar. Sjå: Kunstnarane i Kroken.
Anders Guttormsen Wigdahl
(1829-1914) frå Vigdal. Kunstmålar.
Hans Hagerup Krag
(1829-1907), fødd i Grong, busett i Oslo. Vegdirektør og friluftspionér.
Ole Anton Quam.
Ole Anton Quam
(1835-1904). Norsk jurist og politikar som m.a. var justisminister 1891-1893, statsråd i Steens 2. regjering 1898-1903, derav norsk statsminister i Stockholm 1902-1903. Quam har ætterøter til Ola Larsson Meeg.
Sjur Fuhr
(1839–1932) frå Fuhr, busett på Ottum. Fylkesgartnar og bonde. Utdanna agronom.
Erik Pederson Øiene
(1842-1864) frå Fortunsdalen, fall som soldat for Nordstatane under den amerikanske borgarkrigen i eit slag ved Dallas, Texas. Også Kristen Elvatun frå Solvorn døydde etter soldatteneste i den amerikanske borgarkrigen.
Dr. Fredrik Arentz
(1844-1914) fødd i Bergen. Lege, geolog og friluftsmann.
Olav Ivarsson Hillestad
(1847-1919) frå Hafslo. Bonde, lærar og Venstre-politikar.
Frederik Balthazar Fraas
(Hillestad) (1849-1913) frå Solvorn. Bonde og politikar Moderate Venstre/Høgre.
William Cecil Slingsby
(1849-1929) - engelsk skribent og fjellklatrarpionér. Les om William Cecil Slingsby under Årdal kommune.
Gerhard Munthe
(1849-1929) norsk biletkunstnar. Sjå og Kunstnarane i Kroken.
