Hopperstad stavkyrkje er største turistattraksjonen blant kyrkjene i Vik. Foto: Ottar Starheim, NRK
Madonnaen med Jesus-barnet frå Hove som er utstilt på Bergen Museum. Foto: Arild Nybø, NRK.
Hopperstad stavkyrkje
vart bygd kring 1130. Restaurert/ombygd i åra fram til 1891. Den opphavelege stavkyrkja på Hopperstad var eit langt enklare bygg utvendes enn slik det framstår i dag. Det eineståande interiøret og mykje av inventaret er bevart i sin opphavelege stand.
Hove steinkyrkje
Denne kyrkja skal vere den eldste steinkyrkja i Sogn og Fjordane. Den gullforgylte Madonna med barnet frå Hove-kyrkja er eitt av dei vakraste og best bevarte kunstykka frå norsk mellomalder.
Vangsnes kyrkje
vart bygd i 1861.
Feios kyrkje
vart bygd i 1866. Då vart ei stavkyrkje frå 1200-talet riven for å gje plass til nyekyrkja.
Vik kyrkje på Tenold. Foto: Ottar Starheim, NRK.
Vik kyrkje
vart bygd i 1877. Arkitekt var H. Thorsen og byggmeister Ole O. Vanberg.
Fresvik kyrkje. Foto: Ottar Starheim, NRK.
Arnafjord kyrkje
vart bygd i 1880. På Flete i Framfjorden stod ei stavkyrkje i tida ca. 1300-talet til 1645. I 1645 vart det bygd kyrkje på Nese, som vart avløyst av noverande kyrkje i 1880.
Fresvik kyrkje
vart bygd i 1881. Ei stavkyrkje frå 1100-talet vart riven for å gje plass til nyekyrkja i 1881. Kyrkjelyden i Fresvik var ein av dei første i fylket som innførte nynorske salmar. Frå den gamle stavkyrkja er det teke vare på nokre av dei finaste skattane frå norsk mellomalderkunst.
Vik prestegard på muséum
Den gamle prestegarden frå Vik kan du i dag sjå på De Heibergske Samlinger, Sogn Folkemuséum på Kaupangerskogen.
