Gerhard Haugland
var første redaktøren i Sogn Avis.
Foto: NRK 1993.
Sogn Avis vart skipa i 1993 ved at dei to Leikanger-avisene Sogningen/Sogns Avis (SSA) og Sogn og Fjordane vart slegne saman - med tidlegare redaktør i Sogningen/Sogns Avis, Gerhard Haugland, som redaktør.
Avisa heldt til i ein trebygning på Hanehaug fram til mai 2009, då avisa flytta inn i Saften - den tidlegare fabrikkbygningen til Drægni A/S, som er ombygd til kulturhus og fleirbrukshall.
I 1999 starta eit annonsesamarbeid mellom Firdaposten, Firda og Sogn Avis under namnet Sogn og Fjordane samkøyringa. I 2011 vart dette utvida ved at fire aviser i Hordaland kom med, og namnet vart endra til Media Vestlandet AS.
Redaktørar i Sogn Avis har vore:
- Gerhard Haugland frå 1993 til han døydde i 2000,
- Jan Inge Fardal 2000-2001 (kst.),
- Kai Aage Pedersen 2001-2003,
- Rune Timberlid 2003-2005,
- Jan Inge Fardal 2005 -.
Avishuset på Hanehaug der Sogn Avis hadde redaksjon fram til 2009. Foto: Ottar Starheim, NRK.
