| | |
| Fakta om Vik | |
|---|---|
| Areal: 828 km² | |
| Folketal: 2731 (1.1. 2013) | |
| Høgste fjell: Brekulen på Fresvikbreen 1648 m.o.h. På det tredje høgste fjellet i Vik, Ramberatinden 1623 m.o.h., vart det i 1859 sett opp ein varde som målepunkt for teikning av kart i Sogn. | |
| Ordførar: Marta Finden Halset, Arbeidarpartiet | |
| Tettstader: Vikøyri, kommunesenter | |
Produkt frå Vik ser du kring deg kvar einaste dag. Svært mykje av norsk vegsikringsutstyr vert produsert i Vik. Vik Verk har sidan 1968 vore den viktigaste industriverksemda. I Fresvik produserer suksessverksemda Fresvik Produkt kjølerom, og i Framfjorden starta talkummølla å male kalkstein i 1908.
I Flatbygdi står tre kyrkjer berre eit steinkast frå kvarande: Steinkyrkja på Hove og Hopperstad stavkyrkje er frå mellomalderen, og på Vangsnes kneisar sagakongen Fridtjof den frøkne 22,5 meter høg på sokkelen.
Her finn du soga om storfolket på Fresvik-godset Fresvikgodset, om dei søkkrike prestane Iver Leganger og Anders Daae, eksersisen på Viksmoen og sosietétslivet som utfalda seg i militærtida, om brannkatastrofane på Vikøyri i 1838 og 1922 og om ei av dei største naturkatastrofane i Noreg som bar til i Arnafjorden i 1811.
Vikøyri ein sommardag med cruiseskip på besøk. Til høgre i biletet skimtar vi Vangsnes med Kvinnefossen på andre sida av fjorden. Foto: Ottar Starheim, NRK.
