Kompetansemål: Læreplan i matematikk fellesfag, 5. - 7. trinn
Geometri
Mål for opplæringen er at eleven skal kunne:
- analysere eigenskapar ved to- og tredimensjonale figurar og beskrive fysiske gjenstandar innanfor teknologi og daglegliv ved hjelp av geometriske omgrep
- beskrive og gjennomføre spegling, rotasjon og parallellforskyving
- bruke koordinatar til å berekne avstandar parallelt med aksane i eit koordinatsystem
- bruke koordinatar til å beskrive plassering og rørsle i eit koordinatsystem, på papiret og digitalt
- byggje tredimensjonale modellar og teikne perspektiv med eitt forsvinningspunkt
Måling
Mål for opplæringen er at eleven skal kunne:
- bruke forhold i praktiske samanhengar, rekne med fart og rekne om mellom valutaer
- bruke målestokk til å berekne avstandar og lage enkle kart og arbeidsteikningar
- forklare oppbygginga av mål for areal og volum og berekne omkrins og areal, overflate og volum av enkle to- og tredimensjonale figurar
- gjere overslag over og måle storleikar for lengd, areal, masse, volum, vinkel og tid, og bruke tidspunkt og tidsintervall i enkle berekningar
- velje høvelege måleiningar og rekne om mellom ulike måleiningar
- velje høvelege målereiskapar og gjere praktiske målingar i samband med daglegliv og teknologi, og vurdere resultata ut frå presisjon og måleusikkerheit
Statistikk, sannsyn og kombinatorikk
Mål for opplæringen er at eleven skal kunne:
- finne median, typetal og gjennomsnitt av enkle datasett og vurdere dei i høve til kvarandre
- planleggje og samle inn data i samband med observasjonar, spørjeundersøkingar og eksperiment
- representere data i tabellar og diagram som er framstilte digitalt og manuelt, og lese, tolke og vurdere kor nyttige dei er
- vurdere sjansar i daglegdagse samanhengar, spel og eksperiment og berekne sannsyn i enkle situasjonar
Tal og algebra
Mål for opplæringen er at eleven skal kunne:
- beskrive plassverdisystemet for desimaltal, rekne med positive og negative heile tal, desimaltal, brøkar og prosent, og plassere dei på tallinja
- beskrive referansesystemet og notasjonen som blir nytta for formlar i eit rekneark, og bruke rekneark til å utføre og presentere enkle berekningar
- finne samnemnar (bm.: fellesnevner) og utføre addisjon, subtraksjon og multiplikasjon av brøkar
- stille opp og forklare berekningar og framgangsmåtar, og argumentere for løysingsmetodar
- utforske og beskrive strukturar og forandringar i enkle geometriske mønster og talmønster
- utvikle og bruke metodar for hovudrekning, overslagsrekning og skriftleg rekning, og bruke lommereknar i berekningar
