Båt stod i full fyr
Ein 73 fots trebåt har brunne opp i Eivindvik i Gulen. Brannen starta i 01-tida og brannvesen og politi frå Hordaland var på staden fram til klokka 04.15. – Det var ei stund fare for både spreiing til ein bygning på staden, og at båten skulle søkkje med 200 liter diesel, seier operasjonsleiar ved Hordaland politidistrikt, Morten Kronen. To personar som var om bord i båten er frakta til legevakta i Knarvik.