Får pris for rulleskiløype
Trafikktryggingsprisen 2014 går til Vik Idrettslag, Asbjørn Hønsi og Anne Kristin Flatland. Trafikktryggingsutvalet ønskjer at fleire personar skal få gle seg over frisk luft og fysisk meistring, men slike aktivitetar kan føre til ulukker langs mange smale og svingete vegar. Idrettslaget får prisen for arbeidet med å lage ei rulleskiløype i Vik. Prisvinnarane fekk diplom og 25 000 kroner av fylkesordførar Åshild Kjelsnes. Leiar i Vik IL, Anne Jorunn Fjærestad tok i mot prisen.