Ingen haldepunkt for kriminell handling - dødsårsak truleg klar fredag

Politiet har ingen haldepunkt for at det har skjedd noko kriminelt etter at ein mann i 40-åra vart funnen død onsdag ettermiddag.

Helsepersonell fann den døde

Det var i 17.25-tida onsdag ettermiddag at politiet fekk melding om at helsepersonell som var på ein velferdssjekk hadde funne ein død person.

• LES OGSÅ: Mann i 40-åra funnen død i Florø - etterforska som mistenkeleg dødsfall

Politiet karakteriserer dødfallet som mistenkjeleg på grunn av omstendene rundt dødsfallet.

– Det er heilt normalt at politiet etterforskar eit dødsfall der ein person døyr åleine, uventa og dødsårsaka ikkje er openberr, seier Domben.

Det vart i går kveld gjort tekniske og taktiske undersøkingar på staden. I tillegg er den døde sendt til obduksjon.

Obduksjon kan gi svar

– Vi kan ikkje seie noko meir om staden der vedkommande vart funnen død, seier Domben.

Førebels er ikkje nokon mistenkte i saka. Politiet har heller ikkje bede Kripos om hjelp.

Det er venta at den førebelse obduksjonsrapporten vil vere klar fredag.