Brann stadion kan bli ein av arenaene FK Jerv skal besøke neste sesong.
Foto: Hommedal, Marit / NTB scanpix
Fredrikstad kan bli ein av motstandarane til FK Jerv neste sesong.
Laurdag kunne vel 1000 tilskodarar på Levermyr stadion sleppe jubelen laus.
FK Jerv slo Pors og sikra opprykk til landets nest øvste divisjon. På to år har klubben rykt opp frå 3. divisjon til 1. divisjon.
- Les også: Hyller Jerv-opprykk
Heilt ny kvardag
– Vi har jobba godt i mange år. Eg kan gjerne trekkje fram Totto Dahlum når han var trenar i klubben. Han starta eigentleg å lære oss kva det vil seie å vere profesjonelle, seier Topland.
– Så har Steinar Pedersen sett krona på verket. Vi har hatt kontinuitet i ein stor del av spelargruppa og leiinga. I tillegg har vi ei entusiastisk ungdomsavdeling i klubben, seier han.
Neste sesong blir motstandarar som Arendal og Fløy bytt ut med Bryne og Hønefoss. I tillegg kan dei møte den tidlegare eliteserieklubben Fredrikstad, dersom dei ikkje rykker opp til eliteserien.
Sandnes Ulf, Sogndal eller Brann kan også komme til å besøke Levermyr stadion neste år.
- Les også: Slik hylles Jerv på Twitter
Sjå Jerv-spelarane feire opprykket i garderoben.
Vil etablere seg i 1. divisjon
Styreleiaren er klar på at spelarstallen skal styrkast, men det kjem ikkje til å bli ein «kjøpefest».
– Vi har ein god spelarstall i dag, så eg ser ikkje føre meg mange forsterkningar. Men noko blir det heilt sikkert, seier han.
Han går no i gang med å førebu klubben på den nye kvardagen som ventar i 1. divisjon. Det skal blant anna tilsettast fleire i administrasjonen. Målet er å halde seg i divisjonen.
– Vi skal ikkje vere noko døgnfluge. Vi har som mål å etablere oss i 1. divisjon, seier han.
Laurdag feira han opprykket saman med spelarane.
– Vi hadde ein festaften som eg håpar vi aldri kjem til å gløyme, ler han.
Sjå intervju med trenar Steinar Pedersen etter at opprykket vart sikra laurdag.
