Den europeiske organisasjonen for politisamarbeid,
, går i år nye vegar i jakta på rømlingar. No håpar dei at den kriminelle adventskalenderen skal føre til tips frå publikum som kan føre til at dei etterlyste blir sette bak lås og slå.I luke 1 blir vi presentert for austerrikaren Tibor Foco. Han har vore på flukt sidan 1995, då han greidde å stikke av under ein permisjon frå fengselet. Då sona han ein dom på livsvarig fengsel for drapet på ei prostituert kvinne i 1986.
Handjern som julekule
Eit bilete av Foco er plassert inne i eit handjern forma som ei julekule, med snø som dalar ned i bakgrunnen.
Ikkje alle synest dette er rette måten å gå fram på. Leiar av forsvarargruppa i Advokatforeininga, Marius Oscar Dietrichson, meiner det heile er eit smaklaust forsøk på å gjere alvorlege ting til underhaldning.
– Dette synest eg ikkje mykje om. Det ligg sikkert ein god tanke bak, men det er smaklaust. Straffesaker skal behandlast på ein verdig måte og ikkje bli selt som underhaldning. Det er respektlaust overfor offera og dei sikta, som i fleire tilfelle ikkje ein gong er dømde for det dei blir skulda for, seier Dietrichson til NRK.
– Treff godt
Peggy Brønn, professor i kommunikasjon, leiing og PR ved Handelshøyskolen BI i Oslo, meiner at Europol treff godt med adventskalenderen sin. Ho trur Europol vil få merksemd rundt sakene, og at fleire av dei kriminelle kan bli tekne.
– Eg synest dei har vore flinke her. Det er ein fin måte å få merksemd på, slik at dei kan fange fleire «bad guys», seier ho.
Europol skriv i ein E-post til NRK at adventskalenderen på ingen måte er meint som underhaldning, men at det einaste målet med kampanjen er å arrestere fleire av dei mest ettersøkte kriminelle i Europa.
– Effektiv metode
Politiorganisasjonen meiner at merksemd frå media og publikum har vore svært effektivt når det gjeld å få kriminelle tilbake bak murane. Etter at Europol la ut ein liste over dei mest ettersøkte i januar i år, har dei teke 24 personar