– Personen som gjennomførte denne usle og uforståelege handlinga var ikkje kjend av etterretningstenesta, sa Cazeneuve etter at regjeringa i dag hadde hatt nok eit krisemøte i Paris.
Han fortel at gjerningsmannen Mohamed Laouaij Bouhlel ikkje har hatt kjente bindingar til radikal islam.
Kort tid etter angrepet fortalde naboar av gjerningsmannen om ein mann som ikkje viste mykje teikn til religiøsitet overhovudet, og det kunne verke som at han var ein «einsam ulv». Men fredag og laurdag har politiet arrestert fleire personar i Nice som skal vere knytt til Bouhlel. Og laurdag tok IS på seg skulda for angrepet.
Myndigheitene har fått kritikk for manglande tryggleik under feiringa av nasjonaldagen i Nice, noko Cazeneuve avviser. Han seier at denne typen angrep er svært vanskeleg å avdekke i forkant.
- Les også:
– I tillegg er metoden ny fordi han ikkje brukte tunge våpen, sjølv om han hadde eit handvåpen. Han brukte heller ikkje eksplosiv, og klarte likevel å utføre ei ekstremt valdeleg handling som har sjokkert det franske folk.
Cazeneuve seier at dette viser kor vanskeleg kampen mot terrorisme er, fordi dei er konfrontert av individ som er mottakelege for bodskapen til IS og som utfører ekstreme valdelege handlingar utan å nødvendigvis ha vore i kamp eller blitt trena, og som brukar våpen som ikkje er meint for masseangrep.
Forsvarsminister Yves Le Drian la til at dei vil oppretthalde styrken på 10.000 mann i den såkalla Sentinelle-operasjonen som starta i kjølvatnet av Charlie-Hebdo-angrepa og blei forsterka etter terrorangrepa i Paris i november, i tillegg til regulære tryggingsstyrker, «som skal sikre tryggleiken til franskmennene».
- Les også: