Hopp til innhold

Jakob Oftebro klar for Gålå etter ulukka

Jakob Oftebro spelar «Peer Gynt» på Gålå i august. Det stadfestar arrangøren. Det var lenge usikkert om han kunne spele på grunn av brannskadane han fekk under ei filminnspeling.

Far og son Oftebro som Peer Gynt på Gålå

Jakob Oftebro er klar for å spele «Peer Gynt» på Gålå i august. Det var lenge usikkert om han kunne gjennomføre på grunn av brannskadane han fekk under ei filminnspeling.

Foto: Bård Gundersen / gundersenogmeg

Skodespelaren Jakob Oftebro fekk alvorlege brannskadar under innspelinga av TV-serien «Hamilton» i Stockholm i mai. Skadane gjorde at han måtte halde seg innandørs, og fleire prosjekt han skulle medverke i, blei sette på vent.

Blant anna skulle han gjenta suksessen frå i fjor, der han spelte «Peer Gynt» saman med faren Nils Ole Oftebro på Gålå. Arrangørane sa i slutten av mai at dei håpa at dei kunne gjennomføre som planlagt, men at skadane gjorde det vanskeleg å få gjennomført prøver som planlagt på dagtid.

Men no melder dei i ei pressemelding at Jakob Oftebro er klar for scenen i august.

– Eg er utruleg glad for at eg får moglegheita til å gjere dette igjen. Eg gler meg til å stå på scenen på Gålå med pappa og alle aktørane ein gong til, seier han.

Letta på Gålå

Marit Lien

Administrerande direktør i Peer Gynt-stemnet, Marit Lien, er letta og glad etter at det blei klart at Jakob Oftebro kan gjennomføre rolla som Peer Gynt på Gålå i august.

Foto: Terje Gording Hong / NRK

Også arrangørane er letta over at Oftebro kan gjennomføre rolla som planlagt. Dei arbeidde med alternativ slik at dei likevel kunne gjennomføre om han måtte kaste inn handkledet. Meldinga som kom fredag var difor gode nyheiter for administrerande direktør i Peer Gynt-stemnet, Marit Lien.

– Det hadde vore krevjande å få inn ein ny skodespelar. Både for skodespelaren sjølv, dei andre i ensemblet og regissøren. Regissør Sigrid Strøm Reibo har bygd framsyninga rundt at det er far og son Oftebro som spelar «Peer Gynt». Dersom dei hadde fått inn ein erstattar, måtte vi ha tenkt nytt om dette også.

Nesten alle billettane var rivne bort då meldinga om ulukka kom. Etter at det blei klart at Oftebro kan gjennomføre rolla på Gålå, er dei siste billettane i ferd med å forsvinne også, seier Lien.

– Det er tydeleg at det var mange som blei usikre då dei fekk høyre om ulukka. Men rett etter at vi sende ut meldinga om at Jakob gjennomfører rolla, sette det fart på billettsalet igjen.

Blir etterforska

Jakob Oftebro fekk brannskadane under innspelinga av TV-serien Hamilton, der han spelar hovudrolla. Ulukka skjedde då Oftebro skulle spele inn ei scene med opptøyar mellom demonstrantar og politi. Han heldt ein molotovcocktail med brennbar væske, som førte til at han fekk alvorlege brannskadar.

Politiet i Stockholm etterforskar hendinga. Dei vil undersøke om det eigentleg skulle ha vore vatn i flaska, fortalde pressetalsperson Kjell Lindgren i Stockholmspolitiet til NRK i byrjinga av juni.

Det har ikkje lukkast NRK å få ein kommentar frå Jakob Oftebro.

Kulturstrøm

  • Gåte er fornøyd, men spente

    Til NRK sier Gåte at de er fornøyde med plasseringen de har fått i sin semifinale, men at de samtidig er spente på stemningen i salen etter Israels opptreden.

    Tidligere tirsdag ble det kjent at Norge opptrer rett etter Israel i den andre semifinalen i Malmö 9. mai. EBU har fått kritikk fra flere hold for å la Israel delta.

    Jim Ødegård Pedersen, leder folkejuryen Adresse Malmö, tror det kommer til å gå bra. Men sier at Israels bidrag ikke er det enkleste å opptre etter i år. Også han er spent.

  • Madonna avslutter turné med stor gratiskonsert

    Madonna skal holde en enorm gratiskonsert på Copacabana i Rio de Janeiro 4. mai som avslutning på Celebration-turneen som startet i oktober.

    På Madonnas nettside omtales konserten som hennes «største show hittil». Den er en «takk til fansen for å ha feiret musikken hennes i mer enn fire tiår».

    Madonna
    Foto: Evan Agostini / AP