Av
Eli Bjelland
|
Foto: Ole Jakob Vorraa |
Programleiar i Ut i Naturen på NRK1, Monika Blikås, og forskar ved Universitet i Bergen, Torstein Solhøy, fann mange små insekt på det grøne og glitrande treet då dei tok med seg eitt på laboratoriet.
Eitt par tusen dyr
Det er faktisk mogleg at det fins så mange som 20 000 småkryp på eitt tre, men dei fleste som kjem inn i heimane i juletida inneheld berre eit par tusen dyr.
Torstein Solhøy sitt favorittinsekt er edderkopparten Mattevevar.
|
Foto: Ole Jakob Vorraa |
- Edderkoppar er fantastiske. Dei har åtte auge og er truleg dei mest erfarne fjellklatrarane som fins. I tillegg blir eg fascinert over dei flotte netta dei lagar. Mattevevaren sine nett ser naturlegvis ut som matter i trea, fortel han.
Ikkje farleg
Det kan i alt vera 20 ulike edderkoppartar i eitt tre.
For dei av oss som helst vil ha tre utan edderkoppar og andre småkryp, kan det likevel vera ei trøyst at dyra ikkje er farlege.
Det er heller ingen som kan reagera allergisk på dei.
Sjå TV-reportasjen om småkrypa på juletrea i Ut i naturen tysdag 20. desember kl 19.30 på NRK1.
|
Foto: Ole Jakob Vorraa |