Kjende personar i Balestrand fødde før 1850

Kong Bele

- småkonge over Sygnafylket i vikingtida.

Hans Blix

(1660-1728). Fut og justitiarius.

Peder Leganger

(d. 1725) frå Vik, busett på Flesje (Fute- og offisersgarden Flesje). Overtok futeembetet for Sogn i 1706 etter svigerfaren Hans Blix og hadde det til han døydde. Son til sokneprest Iver Erikssøn Leganger i Vik, og far til Hans Leganger (sjå nedanfor).

Hans Leganger

(d. ca. 1772) busett på Flesje. Fut i Sogn 1759-1768, då han måtte gå frå embetet på grunn av sjukdom. Som til Peder Leganger (sjå ovanfor).

Jakob Gerhard Meidell jr.

(1735-1796). Offiser.

Lars Ivarson Skåsheim

(ca. 1730-1801). Bonde.

Jacob Hegelund

(f. 1759). Fut.

Christian Gahrup Meidell

(1780-1863). Offiser med oberstløytnants grad og politikar.

Johan Widing Heiberg Landmark

(1802-1887).

Franz Wilhelm Schiertz

(1804-1878). Kunstmålar og arkitekt.

Per Larson Myra

(1806-1899). Bonde og bjørneskyttar.

Harald Ulrik Sverdrup

(1813-1891). Prest og politikar.

Vilhelm Melbye

(1824-1882) frå Helsingør i Danmark. Kunstmålar. Kjøpte i 1860 Lausholmen like ved noverande Kvikne's hotell. Det var truleg opphavet til at holmen denne seinare vart kalla "Balholm". Kva han ville med holmen er uklårt, for han selde den i 1874 til landhandlar Danielsen. Melbye var kjend som "marinemålar", og måla m.a. fleire bilete av Sogne-jekter.

Nils J. Landmark

(1825-1906) frå Fjaler, busett i Balestrand. Bonde. Han var son til futen Johan Widing Heiberg Landmark, og var landbruksutdanna i Danmark i 1850. I 1856 kjøpte han storgarden Bale, som tidlegare hadde vore krungods og m.a.hatt den rike prost Anders Daae som eigar. Garden Bale låg der tettstaden ligg i dag . Frå 1880 selde han ut bruket i parsellar.

Georg Henrik Landmark

(1829-1905) frå Fjaler, busett i Balestrand. Jurist og konstituert fut i Sogn 1878-1879. Han vart 1879 fut i Salten og seinare i Nordre Helgeland.

James Livesey

(1831-1924) - sjå Villa Lorna.

Anders Larsson Ese

(1832-1916). Underoffiser, bonde og politikar.

David Kindleberger

(1834-1921) frå USA, busett i Balestrand frå 1904 - sjå Villa Kringsjå.

Knut Kvikne

(1844-1914). Hotelleigar.

Jakob Liv Rosted Sverdrup

(1845-1899). Teolog, folkehøgskulestyrar, stortingsmann og statsråd. Han er ein av dei mest omstridde personar i nyare norsk historie.

Ola Nesse

(1845-1934) frå Nessane. Lekpredikant og forfattar. Gav ut "Stjerneljos for barn og ungdom" (1929).

Nils Johannesson Rendedal

(1846-1934) frå Vetlefjorden, busett i Balestrand - sjå Hotell Balestrand.

Eilert Adelsteen Normann

(1848-1918). Kunstmålar, og ein av dei fremste norske kunstnarane frå "düsseldorfar-skulen".

Ola Ivarson Tjugum

(1849-1935 ) frå Tjugum. Bonde og offiser (fanejunker). Han var medlem av kommunestyre og sparebankstyre i mange år, og ordførar 1900 og 1902-1922.

Ole Kvikne

(1849-1913). Hotelleigar og handelsmann.

Hans Dahl

(1849-1937). Kunstmålar og "keisarven".

Neste side:
· Kjende personar i Balestrand fødde 1850-1900
Hovudside:
· Kjende personar i Balestrand