Selje kloster og Sunniva-legenden

Utan årar og segl dreiv dei på havet, og rak i land på Selja. Der budde dei i bergholer. Då Håkon jarl drog til øya for å drepe ”inntrengjarane”, rømde Sunniva med flokken sin inn i ein steinheller. Opningen rasa att bak dei, og irane vart levande gravlagde. Noko seinare fann kjøpmenn lysande og særs velluktande bein i hellaren, og tok dei med til kong Olav Tryggvason. Han drog sjølv til Selja, og fann menneskebein med søt lukt. I hellaren bygde Olav Tryggvason ei kyrkje i 996, truleg den første i Noreg. Denne fylkeskyrkja vart seinare flytta til Bø på austsida av øya, og i hellaren kom Mikalskyrkja. (sjå elles Flora kommune - Kinna-kyrkja).

Sunnivakyrkja

er bygd på ein terrasse like opp under hellaren, truleg seint på 1000-talet.

Kristkyrkja eller Albanus-kyrkja

vart bygt nede på flata under hellaren kring 1070. Kyrkja var eindel av Albanus-klosteret der, som er bygd i fleire byggjesteg frå 1100-talet til tidleg 1300-tal.

Første bispen

Olav Kyrre delte i 1068 Noreg i 3 bispedøme: Nidaros, Oslo og Selja. På Selja vart Bjarnvard første biskop.

Sunniva-skrinet

Sunniva-skrinet med det ein meinte var beinrestane etter den heilage kvinna St. Sunniva, vart teke vare på på Selja til 1170. Då vart skrinet flytta til Kristkyrkja i Bergen.

Fornfunn på Selje-klosteret

I ruinane er det m.a. funne godt bevarte restar av ein messhakel frå 1200-talet i Sunnivahellaren, og bitar av forgylte relieff.

Eigne handelshus

Klosteret på Selja hadde heilt frå 1200-talet eigne handelshus kring Vågen i Bergen.

Klostergodset - St. Jørgen - Harastølen

Klostergodset til Selje rådde etterkvart over enorme jordeigedomar over heile det nordlege Vestlandet.

Forfattaren Sigrid Undset (t.h.) saman med Astri af Geijerstam og sonen Hans i Sunnivagrotta. Foto: Gösta af Geijerstam

Restaurering og utgraving på Selja

Restaurering av Selje kloster og utgravingar gjekk føre seg bolkevis frå 1867. Sjå også: Fornfunn på Selje-klosteret.

Biskopen av Selja

er av nyare dato, skipa i 1930 av den katolske kyrkja. I dei seinare åra har paven gjeve denne tittelen til ”ambulerande” hjelpebiskopar kringom i verda – Brasil, Jugoslavia o.s.b.

Munk på Selja

Kong Olav V

var i august 1968 til stades på 900-årsjubileet på Seljeøya. Til stades var dei høgste geistlege både frå den norske og den anglikanske kyrkja på dei britiske øyane.

Nybygging

I 2001 har ein greskortodoks munkeorden kjøpt eit småbruk på austsida av Seljeøya for å byggje eit kloster. Same munkeorden skal òg byggje eit nonnekloster i Valldal på Sunnmøre.

Selja med klosteret i framgrunnen.