Barggánis crewmatet ja gávvilis imposterat deaivvadit Steamas dán lávvardaga (27.02) diibmu 18.00, speallat «Among us».
– Dása mun gal illudan. Boahtá šaddat «lættis», huiká Ole Máhtte Nedrejord.
Juŋkkát hástet buohkaid searvat. Sihke du, gii vuosttaš geardde háliidat geahččalit ja du, gii máhtát jo «Among us» bures.
– Buohkat geat háliidit besset unnimusat moadde vuoru speallat minguin.
Ná searvvat
- Lasit «NRK JUNKA» iežat olbmán Steamas.
- Čális Steamas ahte háliidat searvat min spellui
- Mii čálistit dutnje Steamas ja addit eambbo dieđuid mo beasat joinet
De leaš oaidnit gii gean fille! Jus háliidat dušše geahččat, de dagat dan NRK Juŋkká Youtube-kanálas.
Mii lea NRK Juŋká?
Prográmmajođiheaddjit Ole Máhtte Nedrejord, Jon Henrik Hivand ja Anders Nils Gaup ráhkadit humorráiddu «Juŋká», man NRK Sápmi buvttada. Ráiddus hástalit juŋkkát guhtet guimmiideaset, ja geahččaladdet iešguđet doaimmaid.
