Ei ny oversikt frå Miljødirektoratet viser at 83 kommunar har søkt staten om tilskot til å revidere gamle utbyggingsplanar. Søknadsperioden var 14. desember til 11. februar.
Sjå heile lista her.
Målet er å erstatte «grå» planar med nyare og meir naturvennlege arealplanar.
Direktør i Miljødirektoratet, Ellen Hambro, koplar den auka interessa frå kommunane til at naturtap har fått større merksemd i media.
– Vi ser at korleis omsyn til klima og natur kan varetakast lokalt stadig oftare er ein del av den politiske diskusjonen i kommunane, seier ho.
– Dette heng nok saman med større merksemd rundt nedbygging, og naturavtalen som blei vedtatt i Montreal i 2022.
Tidlegare i mars foreslo regjeringa å stramme inn fleire punkt i retningslinjene knytt til hytteutbygging i norske kommunar.
Ordninga som skal hjelpe kommunane heiter «Natursats».
Størrelsen på potten auka frå 3 til 53 millionar kroner etter budsjettforliket med SV før jul.
– Mange kommunar ønsker å bevare naturen sin. Nå har dei fått enda eit verktøy til å drive betre arealplanlegging, seier Klima- og miljøminister Andreas Bjelland Eriksen (Ap).
Foto: Den Norske TuristforeningNødvendig å ta ein ny kikk på lovverket
Dårlege «forhandlingskort» og trykk frå næringsinteresser har gjort at Kommune-Noreg tradisjonelt har vore kalla «ein akilleshæl» i arbeidet med naturvern.
Presset mot kommunane auka då Naturrisikoutvalget (sjå under) bad regjeringa om å vere tøffare i klypa.
Blant råda var tydelegare føringar frå statlege myndigheiter, som potensielt kan svekke det som er karakterisert som «ein heilag ku» i Distrikts-Noreg – det lokalet sjølvstyret.
I tillegg drøftar utvalet om det er nødvendig å ta ein ny kikk på lovverket.
Man deler gjerne naturrisiko inn i tre ulike typer:
1) Fysisk naturrisiko
2) Omstillingsrisiko
3) Ansvarsrisiko.
Naturutvalget skal vurdere hvordan norske næringer og sektorer er og kan bli berørt av tap av natur og naturmangfold.
I tillegg skal de se på hvordan berørte aktører i Norge kan analysere og håndtere naturrisiko på best mulig måte.
Klima- og miljødepartementet «mista» hovudansvaret for norsk arealforvaltning til Kommunaldepartementet då Solberg-regjeringa tiltredde i 2013.
Grepet blei akkompagnert av to rundskriv der Solberg-regjeringa presiserte at statsforvaltarane skulle «avgrense bruken av innvendingar» og vektleggje lokaldemokratiet sterkare.
– Kommunane sit på nøkkelen
Dei same tonane har kome frå Klima- og miljøminister Andreas Bjelland Eriksen (Ap).
I staden for å «vengeklippe» kommunane har han teke til orde for rettleie kommunane innanfor eit strammare regelverk.
Resepten er «støtte til planvask» og «forsterka forventningar» om å avgrensa særleg to forhold: hyttebygginga og nedbygginga av myr.
Ønsket om meir smidigheit og fleksibilitet i strandsonevernet er ein annan «klassikar» som på rituelt vis set forholdet mellom lokalt sjølvstyre og nasjonal vernepolitikk på prøve.
Fredag morgon gjentek Bjelland Eriksen at kommunane «sit på nøkkelen til å bevare og sikre berekraftig bruk av naturen».
Han gler seg over dei siste Natursats-tala:
– Mange kommunar ønsker å bevare naturen sin. Nå har dei fått enda eit verktøy til å drive betre arealplanlegging, seier han.
– Kommunane sit på mykje kompetanse som vi må hauste av og vidareutvikle dersom vi skal få redusert tapet av natur.
