Til sjukehus i ambulanse etter mogleg knivskade
Ein person vart frakta til sjukehus i ambulanse etter ei valdshending utanfor Korskirken i Bergen klokka 00.42 natt til onsdag.
– Han blødde frå eit kutt i handa, mest sannsynleg ein knivskade, seier operasjonsleiar Tore-André Brakstad i Vest politidistrikt.
Ein person var mistenkt for å ha utført valden. Han forsvann frå staden, men vart seinare funnen av politiet. Vedkommande vart sett i arrest.
Fornærma var vaken og medviten då han vart frakta til sjukehus.