Slår sprekker i glansbiletet

Av Leif Rune Løland

- Eg kan ikkje sjå at tenestene har blitt bedre. Tvert om har dei blitt meir byråkratisk og sannsynligvis dyrare for kommunen, seier Dag Westhrin.

Frp og H har gjennomført ei nærmast total omlegging av administrasjonen og resten av kommunen, for å gi billigare og bedre tenester, raskare sakshandsaming, og mindre byråkrati. Bedriftspedagogisk senter i Bergen har evaluert omlegginga.

Einingane svekka

På den eine sida meiner dei at dette fungerer bra, på den andre sida at kvaliteten på tenestene og brukarservicen ikkje har endra seg. Og både kompetanseutviklinga og samarbeidet på tvers av einingane ser ut til å ha blitt svekka. Altså stikk i strid med målsetjinga, meiner Westhrin.

Mellom anna har drift og vedlikehald av alle kommunale bygningar blitt skilt ut i eit kommunalt eigd aksjeselskap, Kommunebygg AS. Til dømes må ein skule som treng ekstra vedlikehaldsarbeid, bestilla og betala dette på timebasis. Ei dårlegare og meir byråkratisk løysing, meiner Westhrin.

- Eg har høyrt einingsleiarar seia at dei tidlegare hadde ganske mange timar til vedlikehald, men at dei nå har 4-5 timar i månaden, og får veldig lite igjen for det, seier han.

Skryt av sydenturar

Men på eitt punkt gir han FrP og Høgre skryt: Sydenturar for pensjonistar. Turane blei ikkje gratis, slik det var lova, men feriereiser i kommunal regi har vist seg billigare enn private reisebyrå kan tilby.

- Eg kan skryte av at dei har fått vist at kommunal drift er langt billigare enn private reisebyrå. Det viser at vi i Os kommune er veldig effektive, seier Westrhin.

- Eldreomsorga er blitt bedre under Søviknes, men det er ikkje på grunn av han, men vedtak gjort før han blei ordførar i 1999. Til dømes blei Luranetunet vedtatt i perioden 1995-99.

Bestillingsverk om Luranetunet

Den viktigaste konkurranseutsetjinga som er gjort i Os dei siste åra, er at det private selskapet Norlandia driv halvparten av plassane på den nybygde aldersheimen Luranetunet. Hovudtillitsvald for kommuneforbundet i Os, Johnny Christensen, er nå som tidlegare kritisk til denne konkurranseutsetjinga.

-Ikkje noko har fungert endå. Men det er bra at det offentlege har lagt seg i selen. Dei privat tilsette har teieplikt om grums i firmaet. "Uhilda rapport" er reint bestillingsverk: folk tør ikkje seia kva dei meiner, seier Christensen.

Pynt i regnskapen

Os kommune har dei siste åra seld aksjar i Oskraft og BKK for 400 mill kr. Kritikarar har meint at FrP og H i fjor pynte på rekneskapen og gjorde eit underskot til overkskot ved å bruka pengar frå aksjesalet til drift av kommunen, noko som ikkje er lov.

Denne veka gav ordførar Søviknes to versjonar av dette. Først sa han: "Berre avkastninga er brukt i drifta." Men då fylkesmannen sa det motsette, sa Søviknes at han ville vurdera dette på nytt.

Westhrin i SV meiner som fylkesmannen at mange millionar kroner frå aksjefondet er brukt til drifta i Os kommune i fjor

- Det går fram av regnskapene.

Kamp om stillingar

Hovudtillitsvalgt Johnny Christensen kjempa ein lang kamp mot at H og FrP ville fjerna 70 stillingar i kommunen. Førebels er det fjerna 51 stillingar, men det kan Søvknes ikkje skryta på seg, meiner Christensen.

- 10-15 stillingar var vakante, 10-12 lærarstillingar forsvann på grunn av auka leseplikt, mange har sagt seg opp, ingen har blitt oppsagt, så talet 51 er feil.

Han meiner derfor at nedbemanninga ikkje er eit tekn på ordførarens handelkraft. Heller ikkje Westhrin i SV er glad for nedskjeringane, men i motsetnad til tillitsmannen meiner han dette var nødvendig.

Naudsynt nedbemanning

- I forhold til driftsmidlene i Os var det nødvendig for å få ballanse. Det har ført til redusert tenestenivå i skoler og eldreomsorg. Minst halvparten av nedbemanningene var i direkte tjenesteproduksjon, så nedbemanningen har helt sikkert hat negative konsekvenser for innbyggerne i Os. Det kan heller ikke Søviknes være uenig i, seier Westrhin.

Han meiner Os har blitt det utstillingsvinduet for FrP-politikk som Søviknes sette som mål. Han nevner privatisering av Luranetunet, utprega ja-holdning til byggeløyver og dispensasjonar i strandsona, og ein liberal skjenkepolitikk.

- Os har på desse åra blitt eit kaldare samfunn, eit ego-samfunn., vi har ikkje vi-følelsen lenger, seier Johnny Christensen.