Av
Ingvild Bjørklund Wangen
I Hedmark var Hans Christian Medlien frå Ringsaker soleklar vinnar med heile 51,4% av stemmene. Det var 303 stemmer mellom Medlien på fyrsteplass og nummer to, Annemor Magnum frå Trysil.
I Oppland låg Kjærsti Gangsø frå Vågå lenge føre Christoffer Grønstad frå Biri med god margin. Men i sluttspurten tok Grønstad kraftig innpå, og det skilde til slutt 46 stemmer mellom dei to.
Gangsø fekk 38,5% av stemmene, mot 36,2 til Grønstad.
|
Hans Christian Medlien fekk Hedmark sin taburett i P1-regjeringa. |
Skal tenkje høgt om framtida
Det var altså Gangsø som trekte det lengste strået, og ho blir dermed Oppland sin utsending til P1-regjeringa.
Annemor Magnum blir vararepresentant i Hedmark, Christoffer Grønstad i Oppland.
P1-regjeringa skal samlast på Sem Gjestegård 16-18 juni og produsere eit dokument som skal si noko om korleis Norge bør vera dei neste 100 åra.
Dokumentet skal overleverast til topp-politikarar frå forskjellige parti.