Det var Bryne som scora først. Før pause. Hødd-keeper Øystein Vik Myklebust var uheldig og boksa ballen i eige mål. Før dette hadde Hødd hatt ein trippel-sjanse og burde ha teke leiinga i kampen.
Kynisk Bryne
Etter pause spelte jærbuane kynisk fotball og drog ut tida kvar gong det var ein dødballsituasjon. Hødd fekk ikkje til mykje offensivt spel mot det bastante Bryne-forsvaret. Det var likevel fullt fortent då banens beste spelar, Kristoffer Tollås, sende i veg eit langskot som overraska både Bryne-keeperen og publikum.
Mot slutten av ampen skapte Anders Vaagen meir fart i Hødd-angrepet då han kom innpå, men kampen ebba ut med 1-1. Eit resultat Hødd har mest grunn til å vere misfornøgd med. Med dette har Hødd 10 poeng på dei første sju kampane. Bryne er framleis utan tap i 1.divisjon.
Briljant Tollås
På Hødd var den tidlegare Bryne-backen Einar Braut god, men Kristoffer Tollås var til tider briljant teknisk og viste at han har eit stort potensial. Tollås er innleigd frå AaFK, og har laga fem seriemål på dei sju første kampane. Venstrekanten viste mange døme på kreativt spel, og at han har målteft skulle statistikken slå fast.
Hødd mangla Aursnes og Sylte
Hødd mangla framleis Georg Aursnes som er skadd, men stopparparet Stavseng/Gjørtz greier seg bra. Samtidig er Øyvind Halkjelsvik frisk igjen, og var på benken denne gongen. Hødd har dermed bra dekning i midtforsvaret trass i at Aursnes er skadd. Tommy Sylte som gifta seg laurdag var ikkje med mot Bryne. I hans stad spelte Erik Sandal på midtbana. Sandal fekk ikkje til så veldig mykje, men har vist før at han er ein spelar for framtida.
KAMPFAKTA
Høddvoll stadion
1108 tilskodarar.
0-1:Sjølmål Øystein Vik Myklebust/Ronny Espedal (36.min), 1-1: Kristoffer Tollås(71.min).
Hødd sitt lag: Øystein Vik Myklebust, Einar Braut, Finn Erik Stavseng, Thomas Gjørtz, Kenneth Giske, Erik Sandal (Johnny Nerbø), Andre Nevstad, Tor Einar Leira, Kristoffer Tollås, Nils Ottar Sandø (Anders Vaagen), Geir Televik.
Gult kort: Kristoffer Tollås.
TABELL:
1. DIVISJON FOTBALL MENN
Follo-Moss 2-1
Hødd-Bryne 1-1
Kongsvinger-Løv-Ham 2-1
Mandalskam-Pors Gr.land 1-1
Skeid-Sandefjord 1-2
Sogndal-Hønefoss 4-2
Strømsgodset-Alta 3-2
Tønsberg-Stabæk 0-1
Stabæk 7 5 2 0 14 6 17
Sandefjord 7 5 2 0 11 5 17
--------------------------------------------
Bryne 7 4 3 0 17 8 15
--------------------------------------------
Sogndal 7 4 0 3 13 12 12
Hødd 7 3 1 3 10 8 10
Kongsvinger 7 3 1 3 9 11 10
Mandalskam. 7 2 3 2 9 8 9
Moss 7 2 3 2 5 5 9
Pors Gr.land 7 2 3 2 7 9 9
Strømsgodset 7 2 2 3 7 9 8
Skeid 7 2 2 3 10 13 8
Tønsberg 7 2 1 4 10 10 7
--------------------------------------------
Hønefoss 7 2 1 4 7 8 7
Follo 7 1 3 3 7 10 6
Løv-Ham 7 1 2 4 6 12 5
Alta 7 1 1 5 9 17 4
Opprykk: To beste. Kval. opp: Treeren. Nedrykk: Fire siste.