Bombe mot sjia-hovudkvarter

Ein liten gut i ruinane av det som ein gong var SCIRI-hovudkvarteret i Bagdad. (Foto: Reuters-Scanpix)

Denne vesle guten miste mor si i eksplosjonen og vart sjølv skadd. (Foto: AP-Scanpix)

Av Bent J. Tandstad

Eksplosjonen inntraff like før klokka tre i natt norsk tid norsk tid i hovudkvarteret til den sjiammuslimske gruppa SCIRI (Supreme Council of the Islamic Revolution in Irac) i Al Jihad-bydelen i det vestlege Bagdad.

Leiaren for gruppa, Mhsen Al Hakim, ein nevø av leiaren for organisasjonen, Abdel Aziz Al Hakim, seier at tre familiar budde i huset, og at ei kvinne vart drepen. Borna hennar vat blant dei skadde. Han opplyser at ei bombe vart detonert ved hjelp av fjernkontroll.

- Dette er verket til agentar for det gamle regimet og terroristar, seier han.

Ein nevæ av den drepne kvinna seier at han vakna av ein kraftig smell, og så kom taket ramlande ned i hovudet på han.

SCIRI er også tidlegare hardt råka av bomber. I august miste 83 menneske livet i ein sjølvmordsaksjon mot hovudkvarteret i den heilage byen Najaf. Blant offera var leiaren for SCIRI, Mohammad Bakr Al Hakim.

Den amerikanske administrasjonen eller den amerikanske hæren har førebels ikkje kommentert hendinga.

Denne kvinna fekk heimen sin øydelagd i eksplosjonen. (Foto: Reuters-Scanpix)