Al Qaida i Irak seier dei har teke livet av dei to irakiske diplomatane dei bortførte sist veke, Ali Belaroussi og Azzedine Belkadi.
Av
Bent J. Tandstad
|
Al Qaida i Irak seier dei har teke livet av Azzedine Belkadi. (Scanpix-foto) |
Meldinga frå Al Qaida si avdeling i Irak vart lagt ut på ei islamistisk nettside i ettermiddag. I går vart det lagt ut ei melding på same nettsida om at dei to skulle drepast, saman med ein video av dei to diplomatane.
I går stod dette å lese på nettsida: Den rettferdige domstolen til organisasjonen Al Qaida i Irak har dømd dei diplomatiske utsendingane til den fråfalne algeriske regjeringa til døden
Dette er lagnaden til alle ambassadørar og utsendingar frå alle vantru regjeringar, heitte det vidare.
Al Qaida i Irak bortførte og drap tidlegare denne månaden den egyptiske utsendinga til Irak, Ihab el-Sherif.
|
Al Qaida seier dei har teke livet av Ali Belaroussi. (Scanpix-foto) |
I tillegg står gruppa bak mislukka attentat på dei diplomatiske utsendingane frå Pakistan og Bahrain.
Fleire land, blant dei Algerie, har no sendt alle sine diplomatar heim frå Irak.
Al Qaida i Irak blir leidd av den illgjetne jordanskfødde Musab al-Zarkawi, som har stått bak fleire av dei verste terrorangrepa i Irak. (NRK-Reuters)