Bjarne Solbakken endte på 13.plass i søndagens storslalåm i Alta Badia i Italia.
Solbakken køyrde seg kraftig opp etter ein svak 1.omgang. Strandakøyraren fekk dermed ein 12., ein 13. og ein 23. plass i verdscuprenna denne helga, og det er Solbakken fornøgd med.
-Totalt sett er eg ganske bra fornøgd med helga. Eg fekk ikkje full klaff i noko av dei tre siste renna, men er jamt med og plukkar poeng, så det er positivt, seier Solbakken.
Gjer det bra samanlagt
Solbakken gjer det også bra samanlagt i verdscupen. Etter denne helga ligg han på niandeplass.
-Eg har konsentrert meg om å gjere det bra i enkeltcupane, men gjer eg det bra der blir det også bra samanlagt.
Den gode køyringa i det siste har også gjort at han har fått merke ei auka merksemd rundt han som person. Fleire kjenner namnet hans når han køyrer. Men ut over det meiner Solbakken at han ikkje har merka så stor forskjell.
Jul i Austerrike
|
Bjarne Solbakken skal feire jul i Austerrike i år. |
I år blir det julefeiring i Salbach i Austerrike for Bjarne Solbakken. Her skal han vere fram til renna i Bormio i romjula. Andre juledag startar han med utfortrening, og med det er alpintsirkuset i gang igjen.